ХХ звычайная нядзеля
- Запрашаем да актыўнага ўдзелу ў штодзённай агульнабеларускай адарацыі Найсвяцейшага Сакрамэнту ў інтэнцыі нашай Бацькаўшчыны, яе народа і мірнага завяршэння канфлікту ў нядзелю пасля Св. Імшы а 10:30, на працягу тыдня ў 18:00.
- У чацвер, 20 жніўня, – успамін св. Бэрнарда, абата і доктара Касцёла.
- У пятніцу, 21 жніўня, – успамін св. Пія Х, папы.
- У суботу, 22 жніўня, – Урачыстасць Найсвяцейшай Панны Марыі Лагішынскай, апякункі Пінскай дыяцэзіі.Св. Імша толькі ў 18:30.
- У нашай дыяцэзіі месяц жнівень з’яўляецца месяцам цвярозасці. Заахвочваем вернікаў да паўстрымання ад ужывання алкагольных напоеў і частавання імі іншых.
- З мэтай арганізавання прыбірання нашай святыні, каб кожны парафіянін мог прыняць удзел у гэтай паважнай справе, ствараем спецыяльны графік. Вялікая просьба запісвацца ў больш зручны для Вас тэрмін. На кожны тыдзень запрашаем запісвацца па 6 асоб. Прыбіранне святыні на гэтым тыдні ў пятніцу пасля вячэрняй Св. Імшы. Аднак можна дамовіцца на больш зручны дзень і час на працягу тыдня.
- У наступную нядзелю, 23 жніўня, пасля Св. Імшы а 10:30 у Парафіяльным доме адбудзеца сустрэча з бацькамі дзяцей, якія ў гэтым годзе рыхтуюцца да 1 Камуніі.
- Шчыра дзякуем ўсім за супольную малітву. Дзякуем за прыбіранне нашай святыні, за кветкі, дэкарацыі, за складзеныя ахвяраванні і за ўсялякую аказаную дапамогу. Няхай Добры Бог шчодра ўзнагародзіць вас сваімі ласкамі.