Разглядаліся пытанні:
- Усталяванне ў касцёле пажарнай сігналізацыі.
У сувязі з праверкай службамі МНС, якая пачалася, неабходна ў кароткі час у касцёле ўсталяваць пажарную сігналізацыю. Праект новай сігналізацыі ўжо зроблены. Папярэдні кошт абсталявання і ўсталявальных работ складае каля 15 тысяч рублёў.
Пастанавілі: арганізаваць у парафіі збор грашовых сродкаў. Ахвяраванні можна скласці ў закрыстыі кс. пробашчу. Таксама для зручнасці пералічэння сродкаў будзе падключана паслуга для ахвяравання праз сістэму АРІП.
- Уборка касцёла.
Уборка касцёла — святы абавязак кожнага парафіяніна!
Таму кожны павінен удзельнічаць у гэтай важнай справе! Будзе створаны агульны графік дзяжурства кожнай сям’і. Для тых, хто па якіх-небудзь прычынах не можа ўдзельнічаць ва ўборцы, будзе прапанаваны альтэрнатыўны спосаб – фінансавая падтрымка (аплата працы іншых асоб замест сябе). Ад уборкі вызваляюцца адзінокія састарэлыя асобы, а таксама інваліды.
- Замена крыжа на могілках на вул. Спакойнай і ўпарадкаванне тэрыторыі вакол яго.
Арганізацыя замены крыжа ўласнымі сіламі. Патрэбны мужчыны, якія гатовыя дапамагаць. Для набыцця матэрыялу і фігуры неабходныя сродкі. Арганізаваць збор ахвяраванняў.
- Падтрымка нашых каталіцкіх часопісаў: “Дыялог”, “Авэ Марыя”, “Наша вера” і “Вадаграй”.
Афармляем падпіску на наступны год, а на працягу другога паўгоддзя бягучага года просьба набываць часопісы ў касцёльнай лаўцы.