28 лістапада 2021
І нядзеля Адвэнту
- У сёняшную нядзелю, 28 лістапада, распачынаецца Адвэнт – час радаснага чакання на прыйсце Збаўцы. Запрашаем да актыўнага удзелу як дзяцей так і дарослых у Раратах – Святых Імшах у гонар Найсвяцейшай Панны Марыі: панядзелк — пятніца – 6:55, субота – 9:00.
- У сёняшнюю нядзелю, 28 лістапада, а 16:00 ў парафіяльным доме адбудзецца сустрэча сужэнств руху EQUIPES NOTRE-DAME (“Суполкі Маці Божай”). Запрашаем не толькі удзельнікаў руху, але і сужэнствы, якія жадаюць пазнаёміцца з гэтым рухам.
- У панядзелак, 29 лістапада, пачатак навэнны да Беззаганнага Зачацця Найсвяцейшай Панны Марыі.
- У аўторак, 30 лістапада, – свята св. Андрэя, Апостала. З нагоды свята ранішняя Св. Імша (не Раратняя) ў 9:00.
- У чацвер, 2 снежня, – 1 чацвер месяца. Молімся аб пакліканнях да святарскага і манаскага жыцця. Запрашаем да ўдзелу ў набажэнстве, якое распачнецца ў 17:30.
- У пятніцу, 3 снежня, – успамін Св. Францішка Ксаверыя. Таксама гэта 1 пятніца месяца. Запрашаем на набажэнства да Найсвяцейшага Сэрца Езуса ў 17:30. Наведванне хворых.
- У суботу, 4 снежня, – 1 субота месяца. У 17:30 распачнецца набажэнства да Найсвяцейшай Панны Марыі.
- У наступную нядзелю, 5 снежня, – 1 нядзеля месяца. Пасля Святой Імшы а 10:30 адбудзецца адарацыя Найсвяц. Сакрамэнту, а пасля Св. Імшы а 12:00 адбудзецца сустрэча удзельнікаў Жывога Ружанца.
- Запрашаем дзяцей на катэхезы згодна з раскладам.
- Прыбіранне касцёла адбываецца па графіку, які размешчаны на дошцы аб’яў.
- Інтэнцыя Жывога Ружанца на снежань: Аб плённым перажыванні Адвэнту ў нашай парафіі.
- Шчыра дзякуем ўсім за супольную малітву. Дзякуем за прыбіранне нашай святыні, дэкарацыі, за складзеныя ахвяраванні і за ўсялякую аказаную дапамогу. Няхай Добры Бог шчодра ўзнагародзіць вас сваімі ласкамі.