У сённяшнюю нядзелю, 16 студзеня, а 16 гадзіне ў парафіяльным доме адбудзецца сустрэча сужэнств руху EQUIPES NOTRE-DAME (“Суполкі Маці Божай”). Запрашаем не толькі удзельнікаў руху, але і сужэнствы, якія жадаюць пазнаёміцца з гэтым рухам. Сёняшнія ахвяраванні прызначаюцца на дыяцэзіяльныя мэты.
У панядзелак, 17 студзеня, – успамін св. Антонія, абата.
У аўторак, 18 студзеня, распачынаецца Тыдзень малітваў за адзінства хрысціянаў, які заканчваецца 25 студзеня святам Навяртання св. Паўла, Апостала. Запрашаем да малітвы і ўдзелу ў набажэнствах, якія адбудуцца на працягу тыдня а 18:00, а ў нядзелю пасля Св. Імшы а 10:30.
У пятніцу, 21 студзеня, – успамін св. Агнешкі, панны і мучаніцы.
У наступную ІІІ звычайную нядзелю адзначаем Нядзелю Божага Слова, устаноўленую Папам Францішкам.
Запрашаем дзяцей на катэхезы згодна з раскладам.
Традыцыйна ў гэты час адбываецца Каляда – душпастырскі візіт святара да сваіх вернікаў. У гэтым годзе наведваем толькі па запрашэнню, якое можна зрабіць у закрыстыі.
Шчыра дзякуем усім за супольную малітву. Дзякуем за прыбіранне нашай святыні, за складзеныя ахвяраванні і за ўсялякую аказаную дапамогу. Няхай Добры Бог шчодра ўзнагародзіць Вас сваімі ласкамі.
