ДУШПАСТЫРСКІЯ АБ’ЯВЫ 25 верасня 2022

У панядзелак, 26 верасня, як кожны 26-ы дзень месяца, молімся аб беатыфікацыі Слугі Божага біскупа Зыгмунта Лазінскага.
У аўторак, 27 верасня, – успамін Святога Вінцента дэ Поля.
У чацвер, 29 верасня, – свята святых Арханёлаў Міхаіла (апекуна Беларусі), Габрыэля і Рафала. Молімся за Касцёл у нашай краіне.
У пятніцу, 30 верасня, – успамін св. Гераніма.
Кастрычнік – Ружанцовы месяц. Заахвочваем да актыўнага ўдзелу ў Ружанцовых набажэнствах, якія будуць адбывацца на працягу тыдня а 18:00, у нядзелю пасля Святой Імшы а 10:30.
У суботу, 1 кастрычніка, – успамін Святой Тэрэзы ад Дзіцятка Езус. 1 субота месяца. Запрашаем на Набажэнства да Беззаганнага Сэрца Марыі а 17:30.
У наступную нядзелю, 2 кастрычніка, – 1 нядзеля месяца. Адарацыя Найсвяцейшага Сакрамэнту пасля Святой Імшы а 10:30.
Запрашаем дзяцей і моладзь на катэхезы (заняткі рэлігіі) згодна з раскладам.
Дзякуем за дзяжурствы ў катэдры і вельмі просім запісвацца на наступны тыдзень.
Інтэнцыя Жывога Ружанца на кастрычнік: Молімся ў інтэнцыі міру ва Украіне.
Шчыра дзякуем ўсім за супольную малітву. Дзякуем за прыбіранне нашай святыні, за складзеныя ахвяраванні і за ўсялякую аказаную дапамогу. Няхай Добры Бог шчодра ўзнагародзіць вас сваімі ласкамі.