У сённяшнюю нядзелю, 9 кастрычніка, сабраныя ахвяраванні прызначаюцца на дыяцэзіяльныя мэты.
Кастрычнік – Ружанцовы месяц. Заахвочваем да актыўнага ўдзелу ў Ружанцовых набажэнствах, якія адбываюцца на працягу тыдня а 18:00, у нядзелю – пасля Святой Імшы а 10:30.
У суботу, 15 кастрычніка, – успамін Св. Тэрэзы ад Езуса.
Запрашаем дзяцей і моладзь на катэхезы згодна з раскладам.
Дзякуем за дзяжурствы ў катэдры і вельмі просім запісвацца на наступны тыдзень.
У наступную нядзелю, 16 кастрычніка, да нас прыедуць парафіяне з в. Лясной (Баранавіцкі район), якія пасля Св. Імшаў будуць збіраць ахвяраванні на тэрміновы рамонт парафіяльнага дома.
Шчыра дзякуем ўсім за супольную малітву. Дзякуем за прыбіранне нашай святыні, за кветкі, за складзеныя ахвяраванні і за ўсялякую аказаную дапамогу. Няхай Добры Бог шчодра ўзнагародзіць вас сваімі ласкамі.
