У аўторак, 31 студзеня, – успамін св. Яна Боска, прэзбітэра.
У чацвер, 2 лютага, – свята Ахвяравання Пана. Ушаноўваем Езуса Хрыста, які ёсць Святлом свету. У гэты дзень благаслаўляюцца свечкі, так званыя Грамніцы. Гэтыя свечкі запальваем у нашых дамах падчас бур і навальніц. А таксама запаленая грамнічная свечка даецца ў рукі канаючага чалавека. У гэты дзень адзначаем Сусветны дзень кансэкраванага жыцця. Св. Імшы ў 9:00; 12:00 (на польскай мове); 18:30. Таксама гэта 1 чацвер месяца. Молімся аб пакліканнях да святарскага і манаскага жыцця. Запрашаем да ўдзелу ў набажэнстве, якое распачнецца ў 17:30.
У пятніцу, 3 лютага, – успамін св. Блажэя, заступніка і апекуна вернікаў, асабліва ў хваробах горла. Будзе магчымасць атрымаць спецыяльнае благаслаўленне свечкамі, каб атрымаць аздараўленне і абарону ад хвароб горла. Пасля ранішняй Святой Імшы будзем разбіраць дэкарацыі і прыбіраць нашу святыню. Запрашаем як мага больш людзей, бо будзе шмат працы. Таксама гэта 1 пятніца месяца. Запрашаем на адарацыю Найсвяцейшага Сакрамэнту і набажэнства да Найсвяцейшага Сэрца Езуса ў 17:30.
У суботу, 4 лютага, – 1 субота месяца. Запрашаем да ўдзелу ў набажэнстве да Найсвяцейшай Панны Марыі ў 17:30.
Наступная нядзеля, 5 лютага, – 1 нядзеля месяца. Пасля Святой Імшы а 10:30 адбудзецца адарацыя Найсвяцейшага Сакрамэнту. Благаслаўленне хлеба і вады ў гонар св. Агаты.
Запрашаем дзяцей і моладзь на катэхезы згодна з раскладам.
Інтэнцыя Жывога Ружанца на люты: За хворых і церпячых.
Шчыра дзякуем усім за супольную малітву. Дзякуем за прыбіранне нашай святыні, за складзеныя ахвяраванні і за ўсялякую аказаную дапамогу. Няхай Добры Бог шчодра ўзнагародзіць вас сваімі ласкамі.
