ДУШПАСТЫРСКІЯ АБ’ЯВЫ
26 верасня 2021
- Сёння, 26 верасня, як кожны 26-ы дзень месяца, молімся аб беатыфікацыі Слугі Божага біскупа Зыгмунта Лазінскага.
- У панядзелак, 27 верасня, – успамін Святога Вінцента дэ Поля.
- У сераду, 29 верасня, – свята святых Арханёлаў Міхаіла (апекуна Беларусі), Габрыэля і Рафала. Молімся за Касцёл у нашай краіне.
- У чацвер, 30 верасня, – успамін св. Гераніма.
- Кастрычнік – Ружанцовы месяц. Заахвочваем да актыўнага ўдзелу ў Ружанцовых набажэнствах, якія будуць адбывацца на працягу тыдня а 18:00, у нядзелю пасля Святой Імшы а 10:30.
- У пятніцу, 1 кастрычніка, – успамін Святой Тэрэзы ад Дзіцятка Езус. 1 пятніца месяца. Запрашаем на Набажэнства да Найсвяцейшага Сэрца Езуса а 17:30. Наведванне хворых.
- У суботу, 2 кастрычніка, – успамін Анёлаў Ахоўнікаў. 1 субота месяца. Запрашаем на Набажэнства да Беззаганнага Сэрца Марыі а 17:30.
- У наступную нядзелю, 3 кастрычніка, – 1 нядзеля месяца. Адарацыя Найсвяцейшага Сакрамэнту пасля Святой Імшы а 10:30.
- Інтэнцыя Жывога Ружанца на кастрычнік: Аб хутчэйшым спыненні пандэміі каранавіруса, аб ласцы аздараўлення для хворых і аб Божым благаслаўленні для ўсіх тых, хто змагаецца з пандэміяй.
- Запрашаем дзяцей і моладзь на катэхезы (заняткі рэлігіі) згодна з раскладам.
- Прыбіранне касцёла адбывацца па графіку, які размешчаны на дошцы аб’яў. Традыцыйна прыбіранне святыні адбываецца па суботах пасля раняшней Св. Імшы. Аднак можна дамовіцца на больш зручны дзень і час на працягу тыдня.
- Дзякуем за дзяжурствы ў катэдры і вельмі просім запісвацца на наступны тыдзень.
- Шчыра дзякуем ўсім за супольную малітву. Дзякуем за прыбіранне нашай святыні, за кветкі, дэкарацыі, за складзеныя ахвяраванні і за ўсялякую аказаную дапамогу. Няхай Добры Бог шчодра ўзнагародзіць вас сваімі ласкамі.