Сёння, 23 кастрычніка, – Місійная нядзеля, зборы ахвяраванняў будуць прызначаны на місіі.
Кастрычнік – Ружанцовы месяц. Заахвочваем да актыўнага ўдзелу ў Ружанцовых набажэнствах, якія адбываюцца на працягу тыдня ў 18:00, у нядзелю – пасля Святой Імшы а 10:30.
У сераду, 26 кастрычніка, як кожны 26 дзень месяца, молімся аб беатыфікацыі Слугі Божага біскупа Зыгмунта Лазінскага.
У пятніцу, 28 кастрычніка, – свята святых Сымона і Юды Тадэвуша, Апосталаў. Гадавіна святарскага пасвячэння кс. біскупа ардынарыя Антонія Дзям’янка (1980 г.).
У закрыстыі можна складаць запіскі (“выпамінкі”) з імёнамі нашых родных і блізкіх, якія скончылі свой зямной шлях, і якім мы прагнем праз нашыя малітвы дапамагчы хучэй спазнаць поўню радасці Нябеснага Валадарства. Памятаем таксама аб упарадкавані могілак, асабліва на вул. Спакойнай.
Запрашаем дзяцей і моладзь на катэхезы згодна з раскладам.
Дзякуем за дзяжурствы ў катэдры і вельмі просім запісвацца на наступны тыдзень.
Шчыра дзякуем ўсім за супольную малітву. Дзякуем за прыбіранне нашай святыні, за кветкі, дэкарацыі, за складзеныя ахвяраванні і за ўсялякую аказаную дапамогу. Няхай Добры Бог шчодра ўзнагародзіць вас сваімі ласкамі.
