У сёняшнюю нядзелю, 20 лістапада, адзначаем урачыстасць Пана нашага Езуса Хрыста, Валадара Сусвету. Дзень малітвы за клерыкаў і выкладчыкаў Духоўных семінарый. Зборы ахвяраванняў прызначаюцца на Духоўную семінарыю.
У панядзелак, 21 лістапада, – успамін Ахвяраванне Найсвяцейшай Панны Марыі
У аўторак, 22 лістапада, – успамін св. Цэцыліі, панны і мучаніцы. Дзень малітваў за арганістаў, харыстаў і асоб, звязаных з касцёльнай музыкай.
У аўторак, 22 лістапада, у 12:00 адбудзецца Святая Імша з удзелам святароў нашай дыяцэзіі, якую ўзначаліць наш Ардынарый біскуп Антоні Дзям’янка. У гэты дзень не будзе Святой Імшы ў 9:00.
У чацвер, 24 лістапада, – успамін святых Андрэя Зунг Лака, святара і паплечнікаў, мучанікаў з В’етнама.
У суботу, 26 лістапада, як кожны 26 дзень месяца, молімся аб беатыфікацыі Слугі Божага біскупа Зыгмунта Лазінскага.
У наступную нядзелю, 27 лістапада, распачынаецца перыяд Адвэнту. Адбудзецца благаслаўленне адвэнтовых вянкоў, свечак, ліхтарыкаў.
Запрашаем дзяцей на катэхезы згодна з раскладам.
3 снежня, у першую суботу месяца, у Нацыянальным санктуарыі ў Будславе адбудзецца трэцяя малітоўная сустрэча ў межах Вялікай навэнны падрыхтоўкі да 25-гадовага юбілею з часу каранацыі цудадзейнага абраза Маці Божай Будслаўскай, на якую запрашаюцца сужэнствы. Для жадаючых прыняць удзел у гэтай сустрэчы плануецца замовіць у Баранавічах аўтобус. Запісацца і атрымаць больш падрабязную інфармацыю можна ў пробашча.
Шчыра дзякуем ўсім за супольную малітву. Дзякуем за прыбіранне нашай святыні, за складзеныя ахвяраванні і за ўсялякую аказаную дапамогу. Няхай Добры Бог шчодра ўзнагародзіць вас сваімі ласкамі.